女朋友唔開心 咁氹佢最有效!

氹女朋友最困難,唔係男朋友冇心思。

話說女友近排成日都好大壓力,好唔開心,小小事都會好嬲。

作為佢嘅身邊人,當然要小心唔好激親佢之餘,仲要諗點樣令佢笑番。

但好衰唔衰,我最近都心情唔好,一知道佢黑面唔開心,我即刻就覺得好煩。

女朋友唔開心,男友通常會講乜?

「唉,唔好唔開心啦!」

「笑吓啦,開心啲得唔得!」

而最差嘅一句係⋯⋯「喂,我都好忙㗎,妳唔好成日都唔開心得唔得呀!」

唔開心,仲要畀人鬧番轉頭。男朋友唔識安慰,仲加多兩腳落井下石。

咁嘅男友真係好差,但我明白⋯⋯因為我都成日係咁。

氹女朋友最困難,就係自己心情都好差,見面只係想好好放鬆,唔想做社工。唔係唔識氹,而係有心無力。

上次同女朋友食飯,仲約咗一班朋友,點知班朋友遲咗一個鐘。我吔兩個人霸住咗成張八人枱,出面排好長龍,女朋友覺得好尷尬,然後又黑面躁底,怪啲朋友咁耐都唔嚟。

我望一望啲空位,同女朋友講:「如果一陣個經理行埋嚟,問我哋啲朋友幾時嚟,我哋答佢:『嚟咗啦,喺晒度。』唔知個經理會點呢!」

女朋友笑住咁話:「講吓笑氹我咪幾好,我咪唔會成日黑面囉!」

最有效嘅安慰說話,就係笑話。

氹女朋友有心無力,有時因為我哋諗得太複雜,好似難過徒手爬上珠穆朗瑪峰,拎咗你條命咁,自不然就會好抗拒,覺得女朋友好煩。

Less is More,對於氹女朋友,呢個道理都非常合適。唔係要咩大道理,只係一個小笑話。

唔知講咩好,反而唔好講住,等合適時間先送上支持。

女友可能會怪你氹得遲,但總好過氹得衰。
 

【氹女朋友貼士 - 一同穿上最有心思的情侶裝】  

giveco 的本地設計師為大家度身炮製了超過40款情侶裝,可印上你們的名字、紀念日等,成為你們倆的甜蜜印記,既有心思又獨一無二,再嬲豬既女朋友都氹得返!

詳情可click入此連結:

 http://giveco.hk/collections/moments-couple-tee

 點擊以下圖片可直接進入產品頁: