想愛情保鮮 首先要⋯⋯

「同我一齊咁耐會唔會好悶？」

拍拖最令人擔心，就係當愛情變成習慣，於是有人會問：「到底點樣做先可以令愛情保鮮？」

首先要搞清楚，習慣係指『生活上，對方已經係不可或缺』，衣食住行都關大家事，但習慣同驚喜係無抵觸。

打個比喻，你日日都去同一間餐廳食，去咗十幾年個餐牌都冇變過，你已經習慣咗佢嘅口味，但突然間，佢推出新菜式，好好味之餘，仲令你覺得好有新鮮感。

愛情保鮮都一樣，喺大家固定嘅關係、固定嘅拍拖生活中，添加一啲大家都未嘗試過嘅驚喜。

喺埋一齊得耐，無錯一定會悶、一定會淡，所以驚喜先咁重要，但「製造驚喜」令人卻步，因為一聽就覺得好花時間、好花心機，人大咗生活咁忙，放工又攰，仲邊有精神⋯⋯結果戀愛呢回事，令人好大壓力。

不過，驚喜分兩種，一種係好即時，例如送禮物；而另一種就要時間準備，例如去旅行等等⋯⋯

近呢一年，我同女朋友都多啲留意身邊嘅「情侶精品」，希望就算送嘢畀對方都送得有心思一啲，唔需要太花時間，可能只係一個立體相架、一個有大家樣嘅鎖匙扣、情侶T-Shirt⋯⋯我哋每次一收到貨都好滿足，視之如寶。

用返餐廳做比喻，如果你餐廳嘅經營者，啲嘢愈嚟愈難食、態度又愈嚟愈差、不求進步、不求改善，當有朝一日，突然有間新餐廳開喺你隔離，搶咗你嘅客，你都只能夠忍命⋯⋯

愛情當然仲有高尚嘅承諾喺入面，但正因為咁，先要付出更多去維繫、去保鮮。

愛情，唔存在理所當然；要付出，先有一世幸福。 

【保鮮注意】

嚟緊莎比亞會同 Moments by giveco 合作，寫情侶「保鮮」嘅唔同方法，紀錄低點樣去為男／女朋友製造驚喜！大家想睇嘅話，可以先Like 定@momentsbygiveco專頁，兩個星期一篇，記住留意喇！