阿媽話:我真係唔想收到呢啲…

雖則話,仔女送嘅禮物阿媽實鍾意,但有啲禮物呀媽收到其實會暗暗不爽,事關佢用唔著之餘仲覺得你亂洗錢,好似以下呢四大類(根據真人真事,沒有改編…)

1) 家居打掃用品
曾經,小編買咗個價值不菲嘅吸塵機加空氣清新機做母親節禮物,諗住母親大人唔洗再咁辛苦掃地,打掃可以輕鬆啲。點知母親大人一啲都唔欣賞我份禮物,仲覺得好貴好唔值得,買咗之後基本上係我用返,母親大人用都無用過…
結論係,每個
母親大人都有佢執屋嘅方法同系統,亦唔係每個阿媽都可以接受新事物,你唔係執屋嗰個就唔好打亂佢個系統啦~(不如執好咗自己間房先?)

★ 想買擺設氹媽媽開心,我地建議送永生花:http://bit.ly/2p9G2qj

2) 美容產品
平凡嘅媽咪,承受唔起太貴氣嘅化妝品。一般收到女兒送嘅護膚品,母親大人都會話:「有時間,我訓多陣好過啦,仲搞咁多嘢!」所以,貴價護膚品,都係留畀自己開心啲~(心情好就會皮膚好,想呀媽靚就激少啲佢啦~)

★ 想令媽咪舒服啲,我地建議送日本製疲勞紓緩眼枕:http://bit.ly/2paqNgY

3) 衣服
小編試過送衫畀媽咪,但從來就唔見佢著,得出嘅結論係,用女兒眼光揀嘅衫永遠不會得到媽媽喜愛,你以為呢種衫最in最好睇,其實佢就覺得個款奇奇怪怪(其實呀媽幫你揀衫,你都會呢個感覺)。所以,與其送衫不如陪佢一齊行街!

★ 想買靚嘢氹阿媽,我地建議送呢款大熱嘅日本小提袋:http://bit.ly/2n0Qb8Z

4) 小寵物
生命唔係一份可以轉換嘅禮物,小動物需要被照顧、照料,同養多個仔女一樣。無論咩時候、咩節日,都唔好當小動物係一份禮物氹人!

★ 想畀阿媽知你心意,我地建議你買款心意卡向阿媽表白:http://bit.ly/2ouAW9v

所以,揀禮物要從阿媽角度入手,揀款佢真係用得著,而又突顯到你細心嘅一面。

以下係giveco為你精選嘅母親節禮物

👜 氹工作型阿媽嘅禮物 ▶️ http://bit.ly/2p40lY4
👛 氹購物型阿媽嘅禮物 ▶️ http://bit.ly/2p4f8ll
🌹 氹愛花型阿媽嘅禮物 ▶️ http://bit.ly/2pfVzmc
💃 氹咩類型阿媽都啱用 ▶️ http://bit.ly/2qd1gC3


留言