如何令男朋友感到幸福

氹女朋友，係男朋友嘅一大難題。

不過，要令男朋友覺得幸福，對女生嚟講都可能好難。

男人讚下女友靚、講吓我愛妳，送下禮物仔，女友都開心，但男人呢？ 讚我靚仔我唔信、我又對甜言蜜語冇咩感覺、而對女朋友送嘅嘢，更加無慾無求，寧願佢唔好嘥錢！

所以，女朋友有時都好頭痛，但愛情又唔可以單方面付出，都好想做番啲嘢氹男朋友。

身為一個男仔同男朋友，我試吓同咁多位女性講吓點樣先可以令男友開心，100%成功！（唔好諗衰嘢先......)

首先，你要了解，男人嘅快樂有好大部分都嚟自成功感，唔係外表、唔係物質。點解唔係物質，好簡單，有時男人自己買隻Game、買模型畀自己，個滿足感可能仲大過妳買畀佢！因為我想親手買，享受終於得到手嘅感覺。

男人開心要被讚，但唔係讚外表、衣著，今日型唔型，而係我所做嘅事得到肯定。

唔使諗太複雜，可以好小朋友。

例如我最近為架車添置咗新音響，我問女朋友：「係咪唔同晒呀，好聽咗好多啦！？依家啲低音好出！」

我知，女朋友其實聽唔出，但佢好認同咁話：「係呀，好好聽呀！」

我竟然覺得好開心，可以同女朋友分享呢份喜悅。

女朋友有時都要做吓「綠茶婊」，除咗滿足下男朋友嘅男人心態，更重要嘅，係防止其他綠茶婊。

妳唔綠，人哋就有機可綠，男朋友畀人讚到飄飄然，就把持不住了。

所以，令你嘅男人有成功感，佢就會覺得有你好幸福。

【保鮮注意】

嚟緊莎比亞會同 Moments by giveco 合作，寫情侶「保鮮」嘅唔同方法，紀錄低點樣去為男／女朋友製造驚喜！大家想睇嘅話，可以先Like 定@momentsbygiveco專頁，兩個星期一篇，記住留意喇！

【🔥全新上市】情侶裝圓領衛衣 - 可自訂文字

查看連結 - https://giveco.hk/collections/moments-couple-sweater

Moments by giveco 推出各款全新圓領衛衣，款款都有著獨特的意思，更可印上自訂名字或日期。 就在今個秋冬❄⛄，為您和您的伴侶送上一份獨一無二的暖意🧣

我們的產品系列：